Pag-amuma sa mga Nag-antos nga Balo ug Ilo
SVST STATEMENT ON THE CHALLENGES OF OUR TIMES
“Ang relihiyon nga putli ug dili bulingon sa atubangan sa Dios nga atong Amahan mao kini: ang pagduaw sa mga ilo ug mga babayeng balo sa ilang mga pagkaguol, ug ang pag-amping sa kaugalingon nga dili mahugawan sa kalibutan.”
Agosto 15, 2018
Piesta sa Assumption
Kami nga mga estudyante, tigdumala ug magtutudlo sa St. Vincent School of Theology – hiniusa nga mga layko, relihiyoso, ug mga pari –nasubo ug nabalaka sa mga panghitabo sa atong nasod karon.
Dili kami mouyon ug among gipanghimaraot ang mga mosunod:
Hinunoa, among gidasonan, gidapigan ug gipaluyuhan ang mga mosunod:
Ang Sulat ni Santiago (1:27) nagpahinumdom kanato nga ang tinood nga relehiyon dili ang pagkat-on ug pagbansay lamang sa mga doktina, mga bulawanong liturhiya, kondili ang “pag-amuma sa mga ilo ug mga balo”. Si Papa Francisco, mipalanog sa giingon ni Propeta Isaiyas diha sa Gaudete et Exsultate(79): ang tinood nga kaangayan mao “ang pagkabana sa mga mahuyang, ‘pakigbisog alang sa hustisya, ihunong ang pagpanlupig; labani sa mga walay ginikanan, ug atimana ang mga balo’ (Is. 1:17).”
Sa pagsugod ning bag-ong tuig sa pag-eskwela, kaming mga sakopsa St. Vincent School of Theology, nagpadayag sa among pakiglambigit sa mga gisalikway sa katilingban, sa kutob sa among mahimo, “pinaagi sa kusog sa among bukton ug sa singot sa among paningkamot” (San Vicente de Paul).
Students, Faculty, and Staff
St. Vincent School of Theology
Adamson University
Agosto 15, 2018
Piesta sa Assumption
Kami nga mga estudyante, tigdumala ug magtutudlo sa St. Vincent School of Theology – hiniusa nga mga layko, relihiyoso, ug mga pari –nasubo ug nabalaka sa mga panghitabo sa atong nasod karon.
Dili kami mouyon ug among gipanghimaraot ang mga mosunod:
- Pagpatay sa liboan nga mga tao diha sa programa nga “war on drugs” ug sa makalilisang nga epekto niini sa mga nahabilin nga mga inahan, balo ug ilo. Sa among pakig-uban ug pakiglambigit kanila, among nadungog ug nasinati ang kahadlok ug kabalaka diha sa ilang mga kasing-kasing ug kinabuhi.
- Sa walay pagpakabana sa atong gobiyerno kontra sa mga dagkong “drug lords” ug mga sindikato nga maoy hinungdan sa walay hunong nga pagkanap sa droga sa atong nasod;
- Ang pagpanghadlok ug pagpriso sa mga kabus nga nanginabuhidiha sa mga kadalanan; gibutang-butangan sila’gmga sala nga wala nila nabuhat;
- Ang pagbutang ug mga sundalo sa mga eskwelahan ug sa katilingban sa mga lumad;
- Ang pagbiay-biay sa mga katungod nga tawhanon (human rights) ug sa panamastamas sa saktong proseso sa balaod (due process); ang pagpahilom sa mga mipahayag sa ilang tinood nga huna-huna batoksa mga anaa sa kagamhanan;
- Ang mga pagpamalikasug paggamit samga mabangis nga pinulungan; ug ang pagkanap sa mga dili tinuod nga mga balita o “fake news” nga daw binayran aron mauso sa socialmedia.
- Ang wala pagtuman sa saad ngahunungon ang “contractualization”; ang pagpapanalipod sa mga interes sa mga kapitalista – nga matod pa ni Santo Papa Francisco, “ang ekonomiyang nagdala ug kamatayon” –sama sa protektadongmga minahan, pagpalayas sa mga lumad ug uban pa.
- Sa mga tawo nga mitawag sa ilang kaugalingon nga mga “Kristohanon” (mga pari, relihiyoso ug lider-layko) apan nagsuporta sa mga programa nga atong gisaysay sa itaas.
Hinunoa, among gidasonan, gidapigan ug gipaluyuhan ang mga mosunod:
- Ang mga balo, inahan, ug ilo sa mga napatay sa “tokhang” nga naningkamot sa pagpakabuhi ug pakigbisog para sa hustisya bisan pa sa kasakit ug kalisod;
- Sa mga nagkalain-laing grupo sa simbahan nga nagpakabana ug nag-amuma sa mga biktima;
- Sa pagpaningkamot sa mga kabataan para ipadayon ang pagtuki ug pagsinggit sa kamatuoran, pagpalambo sakalinaw, ug sa pag-alima sa kinaiyahan;
- Sa mga tinood nga Kristohanon nga nibabag sa pagpanamastamas sa kinabuhi ug tawhanong katungod.
Ang Sulat ni Santiago (1:27) nagpahinumdom kanato nga ang tinood nga relehiyon dili ang pagkat-on ug pagbansay lamang sa mga doktina, mga bulawanong liturhiya, kondili ang “pag-amuma sa mga ilo ug mga balo”. Si Papa Francisco, mipalanog sa giingon ni Propeta Isaiyas diha sa Gaudete et Exsultate(79): ang tinood nga kaangayan mao “ang pagkabana sa mga mahuyang, ‘pakigbisog alang sa hustisya, ihunong ang pagpanlupig; labani sa mga walay ginikanan, ug atimana ang mga balo’ (Is. 1:17).”
Sa pagsugod ning bag-ong tuig sa pag-eskwela, kaming mga sakopsa St. Vincent School of Theology, nagpadayag sa among pakiglambigit sa mga gisalikway sa katilingban, sa kutob sa among mahimo, “pinaagi sa kusog sa among bukton ug sa singot sa among paningkamot” (San Vicente de Paul).
Students, Faculty, and Staff
St. Vincent School of Theology
Adamson University
